नुवाकोटमा कोरोना महामारीका कारण सुन व्यवसायीहरु पलाएन

नुवाकोट । नुवाकोटमा कोरोना महामारीका कारण सुन व्यवसायीहरु पलायन भएको सरोकारवालाहरुले बताएका छन ।

विदुरमा शनिवार नुवाकोट सुनचाँदी व्यवसायी संघको सातौ र आठौ साधारणसभामा बोल्दै सुन व्यवसायीहरुले कोरोना भाइरसको महामारी तथा सरकारले गरेको लकडाउनको काराण साना तथा मझौला व्यवसायीहरु पलायन भएको सरोकारवालाहरुले बताएका हुन् ।

कार्यक्रममा बोल्दै नेपाल सुनचाँदी व्यवसायी महासंघका अध्यक्ष माणिकत्न शाक्यले कोरोना भाइरसको कारण व्यवसायीका साथसाथै दक्ष कालीगढ समेत पलायन भएकोले त्यसलाई रोक्न सबै सरोकारवालाहरु लाग्नुपर्ने बताए । उनले बजारमा सुन अभाव देखिएकोले २ हजार रुपैयाँभन्दा बढी तिरेर सुन खरिद गर्नुपर्ने अवस्था आएकोले सरकार दैनिक १० किलो मात्र सुन खरिद गर्न पाउने नितिलाई परिमाजृन गर्नुपर्ने बताए ।

यस्तै कार्यक्रममा बाग्मति प्रदेश सुनताँदी व्यवसायी संघका संयोजक ज्योतिरत्न बज्रचार्यले दैनिक १० केजी सुन अपुग भएकोले व्यवसायीलाई राज्यले चाहिएजति उपलब्ध गराउनुपर्ने बताए । उनले व्यवसायीले सुन किन्नको लागि विभिन्न झन्झट व्यहोरेपनि चाहेजति सुन नपाएर दुख पाएको बताए ।
कार्यक्रममा नुवाकोट सुनचाँदी व्यवसायी संघका सचिव सविन अमात्य ले कोरोना महामारीको समयमा सरकारले गरेको लकडाउनका कारण मर्कामा परेका व्यवसायी तथा कामदारहरुलाई आवश्यकताका आधारमा राहात वितरण गरेको बताए ।

कार्यक्रममा सुनचाँदी व्यवसायीहरुले कोरोना भाइरसको महामारीका कारण दक्ष कामदारहरु पलायन भएको तथा स्वदेशीभन्दा विदेशी कालीगढले काम पाइरहेको भन्दै चिन्ता व्यक्त गरेका थिए ।