सडक अव्यवस्थित भएको भन्दै नुवाकोटको शिवपुरीमा सडकमै धान रोपाइँ

हरि भेटवाल शिवपुरी÷नुवाकोटका शिवपुरी गाउँपालीका वडा नं ५ शेराबगरमा स्थानियबासीहरुले सडकको अवस्था नाजुक भएको भन्दै सडकमै धान रोपेर विरोध गरेका छन ।

 

शिवपुरी गाउँपालिकामा रहेको पुष्पलाल मध्यपहाडी लोकमार्ग सडकखण्ड भएर आवतजावत सडकखण्ड हिलाम्मे भएको र यात्रुहरु मर्कामा परेको तर गुनासो सम्बोधन गर्दा समेत सम्बन्धित निकायले बेवास्ता गरेको भन्दै शेराबगरका स्थानियबासीले सडकमै गोरु नारेर संकेतिक विरोध जनाएका हुन ।

बारम्बार सडक व्यवस्थित गर्न माग गरेको तर संबोधन नभएको भन्दै सडकमै रोपाई गरेको स्थानियबासी माधब अधिकारीले बताए ।