नुवाकोटमा अबैध सालको काठ सहित ७ जना पक्राउ

नुवाकोट । नुवाकोटको बेलकोटगढी नगरपालिका वडा नम्बर ५ समिबोटबाट अवैध रुपमा सालको काठसहित ७ जना पक्राउ परेका छन् ।

शनिवार राती ८ बजेतिर उनीहरुलाई अवैध रुपमा काठ लोड गरी ओसारपसार गरिरहेको अवस्थामा पक्राउ गरिएको जिल्ला प्रहरी कार्यालय नुवाकोटले जनाएको छ । प्रहरीले बिशेष सुचनाको आधारमा उनीहरुलाई पक्राय गरेको हो । प्रहरीले झिल्टुङबाट कोल्फुटार तर्फ अबैध रुपमा सालको काठ लोड गरी लैजादै गरेको अवस्थामा प्रदेश नं.३(०१(०२४ च ४२७० नं.को टाटा गाडि समेत नियन्त्रणमा लिएको छ । उनीहरुसँग ४३.७३ क्युफिट काठ बरामद गरिएको प्रहरीले जनाएको छ ।

पक्राउ परेका व्यक्तिहरुको नाम भने नुवाकोट प्रहरीले जानकारी दिएको छैन । पक्रायउ परेका व्यक्तिहरुसहित बरामद गरिएको काठ डिभिजन वन कार्यालय नुवाकोटमा बुझाईएको छ । घटनाको थप अनुसन्धान भइरहेको प्रहरीले बताएको छ ।