नेपाली कांग्रेस नुवाकोटले आज १२ वटै स्थानिय तहमा विरोध प्रर्दशन गर्दे

विदुर खबर २०७७ माघ ३ गते १०:५८

नुवाकोट । प्रतिनिधिसभा विघटनविरुद्ध नेपाली कांग्रेसले आज सबै स्थानीय तहमा विरोध प्रदर्शन गर्दै छ । कांग्रेसले देशभरका ७ सय ५३ स्थानीय तहमा आज प्रदर्शन गर्न लागेको हो ।

Advertisement

सभापति शेरबहादुर देउवाले सरकारको विरोध प्रदर्शनमा सहभागी हुन सबै नेता कार्यकर्तालाई आह्वान गरिसकेका छन् । पुस १९ गते बसेको कांग्रेसको केन्द्रीय समिति बैठकले संसद विघटनविरुद्ध तीन दिन प्रदर्शन गर्ने निर्णय गरेको थियो । पुस २५ गते ३ सय ३० प्रदेश सभा निर्वाचन क्षेत्र, माघ ३ गते ७ सय ५३ स्थानीय तह र माघ ८ गते ७ सय ५३ पालिकाहरुका ६ हजार ७ सय ४३ वडाहरुमा विरोध प्रदर्शन एवं सभाको आयोजना गर्ने निर्णय गरेको थियो ।

सोही अनुसार यसअघि कांग्रेसले पुस २५ गते ३ सय ३० प्रदेश सभा निर्वाचन क्षेत्रमा र पुस १३ गते १ सय ६५ निर्वाचन क्षेत्रमा‍ विरोध प्रदर्शन गरिसकेको छ । तर सभापति देउवाले चुनाबमा जानु पर्ने र वरिष्ठ नेता रामचन्द्र पौडेलले जान नहुने बताइरहँदा कांग्रेसका कार्यकर्तामा अन्योल छाएको छ । पुस ५ गते प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधि सभा विघटन गरेपछि कांग्रेस आन्दोलित छ ।

Advertisement

नेपाली कांग्रेस विदुर र बेलकोटगढी नगरपालिकाका संयुत्त आयोजनामा विदुर नगरपालिका वडा नम्बर ५ देविघाटमा विरोधसभाको आयोजना गरिएको छ । विरोधसभालाइृ नेपाली कांग्रेसका पुर्वमन्त्रिहरु रामशरण महत, अर्जुननसिंह केशी, प्रतिनिधिसभाका सांसद वहादुरसिंह लामा, पार्टी सभापति जगदिश्वर नरसिंह केशी लगायतले विरोध सभालाई सम्बोधन गर्ने कार्यक्रम रहेको छ ।

विरोधसभाअघि विदुरको लोकतान्त्रिक चौतारोबाट मोटरसाईकल र्यालीको आयोजना गरिएको छ । यस्तै बेलकोटगढीको विभिन्न स्थानमाबाट समेत मोटरसाइकल र्यालीको आयोजना गरिएको छ ।

Advertisement

प्रतिक्रिया