नुवाकोट। दिगो विकासको लक्ष्य प्राप्तिका लागि सहकारी भन्ने नारा सहित सञ्चालित जिल्ला सहकारी संघ नुवाकोटको २८ औ वार्षिक साधरण सभा सम्पन्न भएको छ ।

कार्यक्रममा संघका अध्यक्ष राजेश श्रेष्ठले प्रस्तुत गर्नुभएको वार्षिक प्रतिवेदन, कोषाध्यक्ष अरुण कुमार श्रेष्ठले प्रस्तुत गर्नुभएको आर्थिक प्रतिवेदन र लेखा समिति संयोजक नारायण श्रेष्ठले प्रस्तुत गर्नुभएको लेखा समितिको प्रतिवेदन सर्बसम्मत रुपमा पारित गरेको छ । संघको पुजी नै शेयर र शक्ति नै सदस्य भएको हुदा संघलाई पूर्ण रुपमा कार्यान्वयन गर्न सञ्चालक समिति प्रयत्नशिल रहेको उहाले बताउनुभएको छ ।

आर्थिक वर्ष २०७६÷७७ मा संघको शेयर पुजी २१ लाख २४ हजार रुपैयाँ रहेको तथा २ सय ७५ वटा सहकारी सस्था सदस्य रहेको लेखा समिति संयोजक श्रेष्ठले प्रस्तुत गर्नुभएको प्रतिवेदनमा उल्लेख गरिएको छ ।