नुवाकोटमा २ जना कोरोना संक्रमित थपिए

नुवाकोट । नुवाकोटमा थप २ जना कोरो्ना संक्रमित थपिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा २ जना कोरोना संक्रमित थपिएका हुन । पछिल्लो २४ घण्टामा जिल्लाका १७ जनाको पिसिआर परिक्षण हुँदा २ जनामा संक्रमण पुष्टि भएको हो । कार्यालयका सुचना अधिकारी उत्तमराज खनालका अनुसार संक्रमित दुबै जना पुरुष रहेका छन् । उनीहरुमध्ये एकजना विदुर नगरपालिका र एक नुवाकोट वाहिरका रहेका छन् । यससँगै नुवाकोटमा कोरोना संक्रमितको संख्या एकहजार २६ पुगेको छ । यस्तै जिल्लामा सक्रिय कोरोना संक्रमितको संख्या एकसय ७ पुगेको छ । उनीहरु होम आइसोलेसनमा उपचाररत रहेको कार्यालयका सुचना अधिकारी उत्तम खनालले जानकारी दिए ।

यस्तै पछिल्लो २४ घण्टामा जिल्लाका १० जना कोरोना संक्रमित निको भएर घर फर्किएका छन् । यससँगै जिल्लामा कोरोनामुत्त भएर घर फर्कनेको संख्या ९ सय १८ पुगेको छ ।

नुवाकोटमा हालसम्म ८ हजार ५ सय ४९ जनाको पिसिआर परिक्षण गएिको स्वास्थ्य कार्यालय नुवाकोटले जानकारी दिएको छ ।