नेकपाको कार्यालयमा २४ सै घण्टा प्रहरी खटाउन निर्देशन

नुवाकोट । देशभरका नेकपाको पार्टी कार्यालयमा झडप बढ्न थालेपछि गृह मन्त्रालयले २४ सै घण्टा प्रहरी खटाउन देशभरका प्रमुख जिल्ला अधिकारी र प्रहरी प्रमुखहरुलाई निर्देशन दिएको छ ।

पार्टी कार्यालयहरुमा झडपको अवस्था देखिएपछि सुरक्षाकर्मीलाई स्ट्यान्डबाई राख्न आईतवार सर्कुलर गरिएको गृहका प्रवत्ता चक्रवहादुर बुढाले बताए । केही जिल्लाका पार्टी कार्यालयमा ताला लगाउने लगायतका गतिविधि भइरहेका छन्, संम्भावित झडप रोक्न सुरक्षाकर्मी खटाउन भनिएको छ उनले भने ।

सबै जिल्लाका शसस्त्र प्रहरीका गण र गुल्मलाई पनि तयारी अवस्थामा रहन गृहल् निर्देशन दिएको छ । रााष्टिय अनुसन्धान विभागले पनि त्यससम्बन्धि सुचना संकलनलाई प्राथमिकता दिएको छ । प्रतिनिधिसभा विघटन र नेकपा विभाजनपछि सुरक्षा चुनौती बढेकोले त्यही अनुसार पुर्वयोजना बनाएर सुरक्षा व्यवस्थापन गर्न गृह मनत्रालयले गत साता नै सबै जिल्लामा सर्कुलर पठाएको थियो ।