सूर्यगढी गाउँपालिकाद्धारा संस्थागत विद्यालयलाई स्वास्थ्य सामाग्री वितरण

नुवाकोट । नुवाकोटको सूर्यगढी गाउँपालिकाले गाउँपालिका भित्रका सस्थागत विद्यालयहरुलाई स्वास्थ्य सामाग्री वितरण गरेको छ ।

आईतवार बिध्यालयहरुलाई गाउँपालिकाको तर्फबाट कोरोना भाइरस(कोभिड(१९) नियन्त्रण तथा रोकथामको लागि स्वास्थ्य सामग्री तथा कक्षा ६ देखि १० सम्म अध्ययनरत छात्राहरुको लागि सेनेरीटरी प्याड बितरण गरिएको गाउँपालिकाका अध्यक्ष सन्तवहादुर घलेले जानकारी दिनुभयो ।

गाउँपालिकाका अध्यक्ष घलेले गाउँपालिका भित्र रहेको सामुदायिक विद्यालय मात्र नभए संस्थागत विद्यालयको पनि शैक्षिकलगायतका विषयमा आफुहरुको जिम्मेवारी भएकोले संस्थागत विद्यालयमा स्वास्थ्य सामाग्री वितरण गरिएको जानकारी दिए ।

यसअघि पनि गाउँपालिकाले पालिकाभित्र रहेका सामुदायिक तथा संस्थागत विद्यालयलाई शैक्षिक र स्वास्थ्य सामाग्री विरतण गरेको थियो ।