नुवाकोटको विदुरमा गोलभेँडा उत्पादन तथा तरकारी खेतिसम्बन्धी ७ दिने तालिम शुरु

विदुर÷कृषकलाई व्यवसायिक गोलभेँडा उत्पादन गर्न सकाउने तथा व्यवसायिक उत्पादनमा जोड दिने उदेश्यले नुवाकोटको विदुरमा शानिबारदेखि गोलभेँडा उत्पादन एवं तरकारी खेती विषयक ७ दिने तालिम शुरु भएको छ ।

सचेतन सामुदायिक सिकाइ केन्द्र नुवाकोटको आयोजना तथा शिक्षा विकास तथा समन्वय एकाई नुवाकोटको सहयोयमा तालिम शुरु भएको हो । तालिम उद्धाटन कार्यक्रममा बोल्दै प्रतिनिधिसभाका सभासद नारायण प्रसाद खतिवडाले परम्परागत कृषि प्रणालीलाई परिवर्तन गर्नुपर्ने बताउनुभयो । खतिवडाले तरकारी कृषकको उत्पादनलाई बजार प्रर्दन गर्न आफ्ुले प्रदेश नं ३ को सरकारलाई नुवाकोटको एक स्थानमा कृषि थोक बजार बनाउन आग्रह गरेको बताउनुभयो । उहाँले तालिमबाट सिकेको सिपलाई व्यवहारिक जीवनमा उपयोग गरी फाइदा लिन अग्रह गर्नुभयो । सांसद खतिवडाले थोरै जमिनबाट धेरै उत्पादन कसरी गर्न सकिन्छ त्यसतर्फ सबैले ध्यान दिनुपर्ने बताउनुभयो ।

कार्यक्रममा बोल्दै जिल्ला कृषि विकास कार्यलय नुवाकोटका योजना अधिकृतप्रकास कृष्ण उपाध्यायले तामिले कृषकहरुलाई धेरै ज्ञान दिने भएकोले तालिमको भरपुर सदुपयोग गर्न आग्रह गर्नुभयो । त्यस्तै सचेतन सामुदायिक सिकाइ केन्द्रका सदस्य लिलानाथ न्यौपानेले खेती र कृषकहरुलाई व्यवसाियक बनाउन तालिमको आयोजना गरेको बताउनुभयो । उहाँले तालिमले कृषकहलाई व्यवसाियक उत्पादनमा जोड दिने बताउनुभयो ।

कार्यक्रममा सचेतन सामुदायिक सिकाइ केन्द्रका अध्यक्ष पशुपति कोइरालाले तालिम केन्द्रले कृषकलाई माछा मार्न सिकाउने भन्दै तालिमपछि व्यवसाियक रुपमा काम गर्नै विश्वास व्यत्त गर्नुभयो । ७ दिनसम्म संचालन हुने तालिममा खड्गभन्ज्याङ, वेलकोटगढी, कल्याणपुर लगायतका विभिन्न ठाउँबाट ९० जना कृषकहरुको उपस्थिति रहेको थियो । । सचेतन केन्द्रले मध्यमाञ्चलमा विकास क्षेत्र र जिलमा नै उत्कृष्ट कार्य सम्पादन गरेको भन्दै शिक्षा विकास तथा समन्वय एकाई नुवाकोटले यो कार्यक्रम प्रदान गरेको हो । २०६३ सालमा स्थापना भएको सचेतन सामुदायिक सिकाइ केन्द्रले नुवाकोटमा शिक्षा, स्वास्थ्य, सरसफाई, तथा महिलाको शिप विकासको लागि विभिन्न तालिमहरुको आयोजना गरिरहेको छ ।