नुवाकोटमा आज १४ जना कोरोना संकमित थपिए

नुवाकोट । नुवाकोटमा आज १४ जना कोरोना संक्रमित थपिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा १४ जना कोरोना संक्रमित थपिएका हुन् । कार्यालयका सुचना अधिकारी उत्तमराज खनालका अनुसार पछिल्लो २४ घण्टामा विदुर नगपालिकाका १० जना, लिखु गाउँपालिकामा ३ जना र बेलकोटगढी नगरपालिकाका एक जनामा कोरोना संक्रमण देखिएको हो । यससँगै नुवाकोटमा कोरोना संक्र्रमितको संख्या ८ सय २६ पुगेको छ ।

यस्तै पछिल्लो २४ घण्टामा नुवाकोटका २२ जना कोरोना संक्रमित निको भएर घर फर्किएको खनालले बताए । यससँगै नुवाकोटमा कोरोनामुत्त भएर घर फर्कनेको संख्या ५ सय ८९ पुगेको छ ।

हालसम्म नुवाकोटका ७ हजार ५ सय ५७ जना जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ । नुवाकोटको एक महिलाको कोरोनाको कारण ज्यान गएको स्वास्थ्य कार्यालय नुवाकोटले जनाएको छ ।