विदुर नगरपालिकामा जसपाको भेला कमिट गठन

नुवाकोट । नुवाकोटको विदुर नगरपालिका वडा नम्बर ८ र ९ मा जनता समाजवादी पार्टी (जसपा) को वडा कमिटि गठनको लागि भेला कमिटि गठन गरिएको छ ।

जनता समाजवादी पार्टीका केन्द्रिय सदस्य डा. भिमलाल तामाङ र जिल्ला उपाध्यक्ष अजित तामाङको उपस्थितिमा मंगलबार दुईवट्टै वडाको संयुत्त बैठकले वडा कमिटि गठनका २५ सदस्यीय वडा भेला आयोजक समिति बनाइएको हो । समितिको संयोजकमा पृथ्वी तामाङ र सहसंयोकमा महेन्द्र तामाङलाई चयन गरिएको जनता समाजवादी पार्टीका जिल्ला सदस्य राम सुर्खेतीले जानकारी दिए ।

भेलालाई सम्बोधन गर्दे जनता समाजवादी पार्टीका केन्द्रिय सदस्य डा. भिमलाल तामाङले अव युवाहरुको समस्या र आवश्यकता जनता समाजवादीले पुरा गर्ने बताए । डा. तामाङले जनता समाजवादी पार्टीले नेपालका सबै जात धर्मलाई एकतावद्ध बनाएर बढेको बताए ।

त्यस्तै जसपा नुवाकोटका उपाध्यक्ष अजित तामाङले जनताको साझा चौतारी आफुहरुले निर्माण गरिरहेको भन्दै सबै युवाहरु यसमा छुट्न नह्ने उल्लेख गरे ।