नुवाकोटमा आज थपिए २६ जना कोरोना संक्रमित

नुवाकोट । नुवाकोटमा पछिल्लो २४ घण्टामा २६ जना कोरोना संक्रमित थपिएका छन् ।

स्वास्थ्य कार्यालय नुवाकोटका सुचना अधिकारी उत्तमराज खनालका अनुसार पछिल्लो २४ घण्टामा विदुर नगरपालिकामा ११ जना , बेलकोटगढी नगरपालिकामा १४ जना र सुर्यगढी गाउँपालिकामा एक जना कोरोना संक्रमित भेटिएका हुन् । खनालका अनुसार विदुर नगरपालिकाका ४ महिला र ७ पुरुष तथा बेलकोटगढीका ९ पुरुष र ५ महिला तथा सुर्यगढी गाउँपालिकाका एक पुरुषमा कोरोना भाइरसको संक्रमण देखिएको हो । संक्रमितहरु सबै होम आइसोलेसनमा उपचाररत रहेको खनालले जानकारी दिए ।

यससँगै नुवाकोटमा कोरोना संक्रमितको संख्या ४ सय ६७ पुगेको छ जसमध्ये ३ सय ४४ पुरुष र एकसय २३ महिला रहेका छन् । यस्तै पछिल्लो २४ घण्टामा बेलकोटगढी नगरपालिकाका एक पुरुष कोरोना निको भएर घर फर्किएका छन् । यससँगै नुवाकोटमा कोरोना निको भएर घर फर्कनेको संख्या एक सय ८४ पुगेको छ ।

स्वास्थ्य कार्यालय नुवाकोटका अनुसार हालसम्म नुवाकोटका ६ हजार एकसय १४ जनाको पिसिआर परिक्षण गरिएको छ जसमध्ये एकसय जनाको नतिजा आउँन बाँकी रहेको कार्यालयका सुचना अधिकारी खनालले जानकारी दिए ।