नुवाकोटमा सक्रिय कोरोना संक्रमितको संख्या २ सय ५५ पुग्यो

नुवाकोट । नुवाकोटमा सक्रिय कोरोना संक्रमितको संख्या २ सय ५५ पुगेको छ ।

स्वास्थ्य कार्यालय नुवाकोटका अनुसार नुवाकोटमा सक्रिय कोरोना संक्रमितको संख्या २ सय ५५ पुगेको हो । कार्यालयका सुचना अधिकारी उत्तमराज खनालका अनुसार हालसम्म नुवाकोटका ४ सय ४१ जनामा कोरोना संक्रमण पुष्टि भएको छ । जसमध्ये ३सय २७ पुरुष र एकसय १४ महिलामा संक्रमण देखिएको हो ।

त्यस्तै हालसम्म नुवाकोटका एकसय ८३ जना कोरोना संक्रमित निको भएर घर फर्किएका छन् । जसमा एकसय ४२ जना पुरुष र ४१ जना महिला रहेका छन् । स्वास्थ्य कार्यालय नुवाकोटका अनुसार हालसम्म नुवाकोटका ६ हजार १० जनाको पिसिआर परिक्षण गरिएको छ ।