नुवाकोट तारकेश्वरका एक दर्जन कांग्रेस कार्यकर्ता नेकपा प्रवेश

नुवाकोट । नुवाकोटको तारकेश्वर गाउँपालिकामा कांग्रेसका एक दर्जन कार्यकर्ता नेकपा प्रवेश गरेका छन् ।

उनीहरुलाई एक कार्यक्रममा नेकपा नुवाकोटका सचिव तथा प्रतिनिधिसभा सदस्य नारायणप्रसाद खतिवडाले टिका र खादा लगाएर पार्टी प्रवेश गराएका हुन् । नेकपा पार्टी प्रवेश गर्नेहरुमा श्याम तामाङ, कुमार भण्डारी लगायतका १३ जना रहेका छन् ।

उनीहरुलाई स्वागत गर्दे नेकपा नुवाकोटका सचिव खतिवडाले सबै युवाहरुको चाहाना अनुसार सरकारले काम गरिरहेकोले नेकपाप्रति युवाहरुको आर्कषण बढेको बताए । उनले कोरोना भाइरसको कारण सरकारले क्षमता अनुसारको काम गर्न नसकेको उल्लेख गरे ।

पार्टी प्रवेश कार्यक्रममा गाउँपालिकाका अध्यक्ष रमेश वस्ती, नेकपा तारकेश्वोर गाउँपालिका इन्चार्ज राजेन्द्र न्यौपाने , जिल्ला नेता समर आले, रामहरि न्यौपाने,  गाउँपालिका नेता नारायण रिमाल लगायतको उपस्थिति रहेको थियो ।