निर्वाचन कार्यालय नुवाकोटमा ‘जनता समाजवादी पार्टी’ दर्ता

नुवाकोट । जिल्ला निर्वाचन कार्यालय नुवाकोटमा ‘जनता समाजवादी पार्टी’ दर्ता भएको छ ।

शुक्रवार जनता समाजवादी पार्टीका नेताहरु विदुरस्थित आयोगको कार्यालयमा पुगेर पार्टी दर्ता गराएका हुन् । दल दर्ताका लागि जिल्ला निर्वाचन कार्यालयमा केन्द्रीय परिषद सदस्य राजन बम, प्रदेश कमिटि सदस्य एवम जनजाति महासंघ नुवाकोटका अध्यक्ष भगवान राना, जिल्ला उपाध्यक्ष अजित तामाङ, जिल्ला सदस्य राम सुर्खेति सहितको टिम निर्वाचन कार्यालय पुगेका थियो ।

दल दर्तापछि केन्द्रीय परिषद सदस्य राज बमले आगामी चुनावमा जनता समाजवादी पार्टीले अहिलेका मुलधारका पार्टीहरुलाई टक्कर दिने बताए । उनले आगामी दिनमा संगठन विस्तारमा केन्द्रित भई सबै पार्टी पङ्क्ति एकजुट भएर लाग्नुपर्ने बताए ।