नुवाकोट । नुवाकोटे गायक हरिजंग पाण्डेको फुरफुर गितको म्युजिक भिडियो अन्तिम चरणमा पुगेको छ ।

सोमवार म्यूजिक भिडियोको सुटिङ नुवाकोटको गगटे पार्क,नुवाकोट दरवार र जिपलाईनमा परिषर क्षेत्रमा गरिएको छ । लामो समय कोरोना कहर र त्यसपछि गरिएको लकडाउनले गर्दा प्रभावित भएको म्युजिक भिडियोको सोमबार छायाकङ् सम्पन्न गरिएको गायक पाण्डेले जानकारी दिए ।

म्यूजिक भिडियोको निर्देशन चर्चित गित “ओइ गनगन“ का लेखक,गायक तथा निर्देशक संगम थापाले गरेका हुन् । गीतमा स्वर,लय तथा शब्द गायक पाण्डेको रहेको छ । त्यस्तै पाण्डेलाई गंगा ठकुरी र शितल पाण्डेले समेत साथ दिएका छन् । गीतको छायङ्कन जनकराज अधिकारी, धिराज जङ्ग थापा,रबि कार्कीले गरेका छन् ।

गीतमा राज कुमार त्रिपाठी, निसा भट्टको अभिनय रहेको पाण्डेले जानकारी दिए । पाण्डेका अनुसार छायङ्कन सकिएको गितको म्युजिक भिडियो छिट्टै बजारमा ल्याउने तयारी गरिएको छ ।अहिले म्युजिक भिडियोको सम्पादन कायए भइरहेको पाण्डेले जानकारी दिए ।