कोरोना बीमा गर्नेले २५ हजार मात्र पाउने

नुवाकोट । कोरोना बीमा गर्दा पाइने दाबी भुक्तानी रकम घटेको छ। बीमा समितिले कोरोना बीमा मापदण्ड संशोधन गर्दै रकम घटाएको हो ।

जस अनुसार अब कोरोना बीमा गरेका व्यक्ति कोरोना संक्रमित भई होम आईसोलेसनमा बसेमा २५ हजार मात्र पाउने छन् । त्यस्तै संक्रमित व्यक्ति अस्पताल भर्ना हुनु परेमा वा आइसोलेसनमै औषधि उपचार खर्च वापत अधिकतम ७५ हजार पाउने छन् । अर्थात बीमा गर्ने व्यक्ति घर मै ठिक भएमा २५ हजार मात्र पाउने भएका हुन्  । भदौ २८ सम्म बीमा गरेकाले भने पुरानै बीमालेख अनुसारको रकम पाउने छन् ।