आज सुन तोलामा दुई सय रुपैयाँले घट्यो

विदुर । सुनको मूल्य निरन्तर दाेस्राे दिन घटेको छ। साउन २६ गते, सोमबार सुन तोलामा २०० रुपैयाँले घटेको हाे।

नेपाल सुन चाँदी व्यवसायी महासंघका अनुसार यस दिन छापावाला सुन प्रतितोला एक लाख दुई हजार ४०० रुपैयाँ र तेजाबी सुन प्रतितोला एक लाख एक हजार ९०० रुपैयाँमा कारोबार भइरहेको छ। अघिल्लो दिन आइतबार सुन तोलामा ९०० रुपैयाँले घटेर प्रतितोला एक लाख दुई हजार ६०० रुपैयाँमा काराेबार भएकाे थियो।

अन्तरराष्ट्रिय बजारमा पनि सुनको भाउमा गिरावट आएको छ। सोमबार प्रतिअउन्स दुई हजार २९ डलरमा सुन किनबेच भइरहेको छ। यसैगरी, सुनसँगै चाँदीको भाउ पनि ओरालो लागेको छ। सोमबार चाँदी तोलामा १५ रुपैयाँले घटेर प्रतितोला एक हजार ३९५ रुपैयाँमा खरिदबिक्री भएको छ।

निरन्तर रुपमा आकाशिएको सुन र चाँदीको भाउ अन्तरराष्ट्रिय बजारमा घटेसँगै नेपाली बजारमा पनि घटेकाे हो।