विदुर नगरपालिकाका सबै क्षेत्रहरु सिल गरिने नगरपालिकाको निर्णय

विदुर खबर २०७७ साउन २१ गते १४:२५

विदुर । विदुर नगरपालिकाका सबै क्षेत्रहरु सिल गरिने भएको छ ।

Advertisement

विदुर नगरपालिकाको वुधबार वसेको ४३ औ बैठकबाट विदुर नगरपालिकाको सवै क्षेत्रहरु सिल गर्ने निर्णय गरेको नगरपालिकाका मेयर सञ्जु पण्डितले जानकारी दिए ।

विदुर नगरपालिका वडा नम्बर ८ का एक व्यक्तिमा कोरोना संक्रमण देखिएसँर्ग पुरै नगरपालिका सिल गर्न लागिएको विदुर नगरपालिकाले जनाएको छ । नगरपालिका सिल गरिएसँगै नगर क्षेत्रभित्र संचालित छोटो दुरीको सवारी साधन समेत बन्द गर्नै निर्णय गरिएको छ ।

Advertisement

त्यस्तै बैठकले क्वारेनटाइन तोकिएका होटल र चिया पसलवाहेक अन्य होटलहरु बन्द गरिने,मठमन्दिर र सार्वजनिक स्थानमा भेला हुन नपाइने निर्णय गरिएको छ । त्यस्तै सबै वडा कार्यालयको सेवा २ साता बन्द गरिने भएको छ ।

यस्तै नगरक्षेत्रभित्र रहेका सरकारी कार्यालय समेत केही समय बन्द गर्न आग्रह गरिने, अन्य जिल्लाबाट आयात गरिने तरकारी र फलफुल समेतलाई प्रतिबन्ध लगाउने निर्णय गरिएको नगरपालिकाका प्रमुख प्रशासकिय अधिकृत सुदेव पोखरेलले जारी गरेको सुचनामा उल्लेख गरिएको छ ।

Advertisement

प्रतिक्रिया