ईनारपार्टीमा भेटिएको साढे दुई लाख रुपैयाँ सम्बन्धित व्यक्तिलाई फिर्ता

विदुर । विदुर नगरपालिका वडा नम्बर ६ ईनारपार्टीमा सोमवार भेटिएको साढे दुई लाख रुपैयाँ नुवाकोट प्रहरीले बेलकोटगढी नगरपालिका वडा नम्बर ७ की कमला दमाईलाई फिर्ता दिएको छ ।

सोमबार ईनारपाटीमा अन्दाजी ४१ वर्षको एक पुरुषले मादक पदार्थ सेवन गरी हिडीरहेको र सोहि ब्यक्तीले नशाको मातमा बाटोमै पैसा झार्दै हिडिरहेको अवस्थामा जिल्ला प्रहरी कार्यालयबाट खटिएको टोलि घटनास्थलमा पुगी २ लाख ४४ हजार २० रुपैयाँ फेला पारेको थियो ।

सो रकम जिल्ला प्रहरी कार्यालय नुवाकोटका प्रमुख अविनारायण काफ्लेले हस्तान्तरण गरेका छन् ।