नुवाकोटमा काुननले वर्जित गरेको काम हुन दिन्न : प्रजिअ ढकाल

नुवाकोट । नुवाकोटको नदीहरुमा अबैध उत्खनन हुन थालेपछी रातको समयमा प्रहरी परिचालीत भएको छ ।

प्राकृतिक स्रोत साधन उत्खनन् र परिचालनको जिम्मा स्थानीय तहले पाएपछि कतै स्थानीय तहबीचमै विवाद देखिएको छ भने कतै ठेक्काको बहानामा मनपरि उत्खनन भइरहेको छ । अबैध उत्खननमा स्थानियले बिरोध गरेपछि लिखुमा धारिलो हतियारको समेत प्रयोग भएको छ । जिल्ला अनुगमन समन्वय समिति र जिल्ला प्रशासन कार्यालय नुवाकोटले असारदेखि भदौ महिनासम्म नदी जन्यपदार्थ उत्खनन गर्न प्रतिबन्ध लगाएपनि तस्करहरुले नदी दोहन गरीरहेका छन् ।

खोलामा मेसिन प्रयोग गर्न नपाएपछी तस्करीहरुले मजदुर परिचालन गरी नदी उत्खनन गर्न थालेका छन् । हाते औजारको प्रयोगबाट नदीजन्य सामाग्रीको उत्खनन गर्न पाउने भएपछी ब्यवसायी तथा तस्करीहरुले मजदुरको प्रयोग गरीक नदीजन्य सामाग्रीको उत्खनन गरीरहेका छन् ।

दिनको समयमा नदीजन्य सामाग्री मजदुरहरुले उत्खनन गरेता पनी रातको समयमा संगठित रुपमै तस्करहरुले मेसिन प्रयोग गर्न थालेपछी प्रहरीले कडाई गर्न सुरु गरेको छ । रातको समयमा प्रहरी संभाबित नदी उत्खनन् हुने स्थानमा प्रहरी परिचालन गर्न निर्देशन दिएको नुवाकोटका प्रमुख जिल्ला अधिकारी एवं जिल्ला सुरक्षा समितिका अध्यक्ष झंकनाथ ढकालले बताउनुभएको छ । कानुनद्धारा बर्जित कार्यहरुमा कोही कसैले जवरजस्ती र लुकिछिपी गरेको पाईएमा कानुनी प्रक्रियाद्धारा दण्डित गरेरै छोड्ने प्रमुख जिल्ला अधिकारी ढकालले बताउनुभएको छ ।

नुवाकोटको कोल्पुटार, रातमाटे, काशीटार, ढिकुरे लगायतका क्षेत्रमा प्रशासनले निगरानी बढाएको छ । नुवाकोटको त्रिशुली, तादी, सामरी, लिखु लगायतका खोलामा नदी उत्खनन हुन थालेकाले प्रहरी परिचालनलाई तिब्र बनाएको थियो ।
सम्बन्धित स्थानीय तहलाई नदीजन्य सामाग्रीको संरक्षण गर्नको लागी जिल्ला अनुगमन समितिले निर्देशन गरेको छ । भदौ मसान्त सम्म कुनैपनी नदीमा मेसिन प्रयोग गरी उत्खनन गर्न नपाउने संबैधानिक ब्यबस्था रहेको छ । बर्सातको समयमा नदी जन्य सामाग्री उत्खनन् गर्दा खेति योग्य जमिनको कटान हुने, जोखिम बढ्ने, पुल तथा भौतिक पुर्बाधार जोखिममा पर्ने भन्दै ३ महिना नदी जन्य सामाग्रीको उत्खनन्मा रोक लगाएको जिल्ला अनुगमन समितिले जनाएको छ ।

संबिधानलेनै अबैध मानेको असार देखि भदौ मसान्त सम्म तिन महिना नदीमा उपकरण प्रयोग गरेमा मुद्धा लाग्ने उल्लेख छ ।