एनआईसी एशिया लघुवित्तको मूल्यमा पहिलो दिन नै सकारात्मक सर्किट

नुवाकोट । कारोबार शुरु भएको पहिलो दिन नै एनआईसी एशिया लघुवित्त वित्तीय संस्था लिमिटेड (NICLBSL) को शेयरमूल्यमा सकारात्मक सर्किट लागेको छ।

कारोबारको लागि ११०.४३ रुपैयाँदेखि ३३१.२१ रुपैयाँसम्मको ओपनिङ्ग रेञ्ज पाएको यस लघुवित्तको पहिलो कारोबार ३३१ रुपैयाँमा प्रि ओपनिङ्ग सेसनमा भएको थियो। त्यसपछि, बढ्न थालेको यस लघुवित्तको शेयरमूल्य, बजार खुलेको आधा घण्टा नबित्दै १० प्रतिशत बढेर सकारात्मक सर्किट लागेको छ।

अहिले यस लघुवित्तको शेयरमूल्य ३५४ रुपैयाँमा कारोबार भइरहेको छ।