त्रिभुवन त्रिशुली माविको “घर घरमा शिक्षक” अभियान शुरु

नुवाकोट । नुवाकोटको सबैभन्दा पुरानो त्रिभुवन त्रिशुली माध्यामिक विद्यालयले घरघरमा शिक्षक कार्यक्रम शुरु गरेको छ ।

लामो समयदेखि लकडाउनका कारण विद्यार्थीहरु विद्यालय आउन नपाएको कारण विद्यार्थीहरुलाई नियमित पढाउने सिकाउने उदेश्यले घरघरमा शिक्षक कार्यक्रम शुरु गरेको विद्यालयका प्रध्यानाअध्यापक महेन्द्र राउतले जाकनारी दिए । लामो समय सरकारले लकडाउन घोषणा गरेसँगै विद्यार्थीहरु मारमा परेको भन्दै विद्यालयले सो अभियान शुरु गरेको विद्यालयले जनाएको छ । पहिलो चरणमा ५ ओटा समुह बनाएर शिक्षकहरु विभिन्न गाउँमा गएको विद्यालयका सहायक प्रध्यानाअध्याक राजेन्द्र दवाडीले बताए । विद्यालयले पहिलो चरणमा एकसाताको लागि सिमुटार,बान्द्रे,त्रिशुली, ढुङ्े,विदुर,रिमालडाँडा, सिमचौर,इन्द्रायण्ी कोलनी,रिमालडाँडा लगायका स्थानमा पुगेर विद्यार्थीहरुलाई सामाजिक दुरी कायम गरेर विद्यार्थीलाई पढाउने सिकाउने काम भइरहेको उनले बताए ।

करिव ३ महनिादेखि शैक्षिक क्रियाकलापमा रम्न नपाएका विद्यार्थीहरु समेत घरमै शिक्षक आएर बढाउने थालेसँगै खुशीले गदगद भएको विद्यालयका प्रअ राउतले बताए । विद्यालयले यसअघि नै पाठ्यपुस्तक वितरण गरिसकेकोले विद्यार्थीलाई दिएको गृहकार्यको समेत परिक्षण हुने प्रअ राउतले बताए । शिक्षकहरुले दिएको शैक्षिक परामर्श र गृहकार्यमा सबै विद्यार्थीको रुचि बढेका अभिभावकहरुले बताएका छन । तर केही स्थानमा भिडभाड बढी भएकोले विद्यलालयमै लगेर सामाजिक दुरी कायम गरि पढाउन अभिभावकहरुले जोड दिएका छन ।

त्यस्तै विद्यालयले एकसातापछि अभियानको मुल्याङ्कन गरेर अगाडी बढ्ने विद्यालयले बताएको छ ।