ककनी गाउँपालिकाद्धारा किसानहरुलाई मिनिटिलर्स र बोयर बोका वितरण

ककनी । ककनी गाउँपालिकाद्वारा ५० प्रतिशत अनुदानमा मिनिटिलर्स वितरण गरिएको छ ।

गाउँपालिकाले ८ वटै वडाका किसानहरुलाई ४० वटा मिनिटिलर्स अनुदानमा वितरण गरेको गाँउपालिकाका अध्यक्ष मानबहादुर लामाले बताउनुभएको छ । अघिल्लो बर्ष पनि किसानहरुको माग अनुशार ७० वटा मिनिटिर बितरण गरिसकेको अध्यक्ष लामाले बताउनुभएको छ । ककनी गाँउपालिकाले किसानहरको आयस्तरमा बृद्धि गर्नको लागी ८ वटै वडाका १७ जना किसानहरु छनौट गरी १७ वटा बोयर जातको बोकाहरु समेत शतप्रतिशत अनुदानमा बितरण गरिसकेको छ ।

गाँउपालिकाले किसानहरुको माग अनुशार आगामी दिनमा ५० प्रतिशत अनुदानमा १ सय ६ वटा तरकारी खेतीको लागी टनेल बनाउने योजना रहेको गाँउपालिकाका उपाध्यक्ष सिता खतिवडा लामाले जानकारी दिनुभएको छ । किसानहरुको आयस्तर बृद्धि गराई आफैमा आत्मनिर्भर बनाउनको लागी गाँउपालिकाले गरेको कार्य सराहनिय रहेको ककनी गाँउपालिकाका किसानहरुको भनाई रहेको छ । आगामी दिनहरुमा पनि किसानहरुको लागी गाँउपालिकाले नयाँ योजनाहरु ल्याउने तयारी रहेको अध्यक्ष लामाले जानकारी दिनुभएको छ ।