विदुर नगरपालिकाको प्रकोप कोषमा लक्ष्मी लघुवित्त सहयोग

विदुर । लक्ष्मी लघुवित्त वित्तिय संस्था लिमिटेड बट्टार शाखाले विदुर नगरपालिकाको प्रकोप व्यवस्थापन कोषमा १५ हजार रुपैया सहयोग गरेको छ ।

कोरोनाविरुद्ध लड्नका लागि नगरपालिकाले संचालन गरेको कोषमा संस्थाले १५ हजार रुपैयाँ सहयोग गरेको हो । कोभिड १९ को रोकथाम तथा उपचार, असहाय, विपन्न, तथा दैनिक ज्याला मजदुरी गर्ने श्रमिकहरुको लागि बन्दाबन्दीको अवधिमा राहत पुगोस् भन्ने उद्देश्यले सहयोग गरिएको शाखा प्रमुख हरिशरण तिमल्सेना प्रमुख जानकारी दिए । नगरपालिकाकी मेयर गिता दाहाल अर्याललाई चेक हस्तान्तरण गर्दै शाखा प्रमुख तिमल्सेनाले आफुहरुले सामाजिक उत्तरदायित्व बहन गर्दै सहयोग गरेको बताए ।

त्यस्तै नगरपालिकाकी उममेयर दाहालले नगरले विपन्न र वास्तविक ज्याला मजदुरीमा निर्भर परिवारलाई सहयोग गर्ने मेयर प्रतिबद्धता जनाइन । उनले सबै एकजुट भएर कोरोना बिरुद्धको अभियानमा उभिएमा कोरोनालाई जित्न सकिने बताइन ।लक्ष्मी लघुवित्तले सातै प्रदेशमा दुई लाख रुपैयाँका दरले कोरोनाविरुद्ध लड्न सरकारलाई सहयोग गर्ने केन्द्रिय योजना बनाएको छ ।