विदुर नगरपालिका शिल गर्न सक्दैनौ : मेयर पण्डित

विदुर । विदुर नगरपालिकाका मेयर सञ्जु पण्डितले विदुर नगरपालिकालाई शिल गर्न नसकिने बताएका छन ।

आईतवार नेपाल पत्रकार महासंघ जिल्ला शाखा नुवाकोटले आयोजना गरेको पत्रकाहरुको कोरोना बीमा घोषणा कार्यक्रममा बोल्दै मेयर पण्डितले सो कुरा बताएका हुन । कार्यक्रममा बोल्दै नगर प्रमुख पण्डितले नगरक्षेत्र जिल्लाभरको केन्द्र रहेको भन्दै विदुर नगरपालिका सिल गरे अन्य स्थानमा जाने अत्यावश्यक सामाग्रीको अभाव हुने बताए । मेयर पण्डिते विदुर नगरपालिकाले नगरभित्र शिल गर्दा अन्य पालिकाहरुमा असर पर्ने उल्लेख गरे । जिल्लाको केन्द्र भएकोले पनि विदुर सिल गर्दा जनताहरु बढी मारमा पर्ने बताए ।

मेयर पण्डितले केन्द् सरकारले गरेको लकडाउनलाई कार्यान्यन गराउन सबै नागरिकहरु एकजुट हुनुपर्ने भन्दै आफुहरुले लकडाउन र बजार खोल्ने समय निश्चित रुपमा तोकिदिएको भन्दै नियमको पालना सबैले गर्नुपर्ने बताए । उनले विदुर नगरपालिका सिल गर्ने निर्णय जिल्लास्तरबाट भएमात्र कार्यान्यन हुने सक्ने बताए ।