प्रहरीको नियन्त्रणमा रहेको गाडी र मदिरा छुटाउन व्यवसायीको दबाब

बट्टार । नुवाकोटको गंगटे बजारमा शुक्रवार विहान प्रहरीले खाद्यान्न बोकको गाडीबाट ५२ बक्स मदिरा बरामद गरेपछि सो गाडी र मदिरा छुटाउन नुवाकोटका व्यवसायीहरु प्रहरी कार्यालय धाउन थालेका छन ।

विशेष गरि नुवाकोट मदिरा व्यवसायी संघ र नुवाकोट उद्योग वाणिज्य संघका पदाधिकारीहरु प्रहरी कार्यालय र केहीले प्रहरीलाई फोन गरेर सो गाडी र मदिरा छाडिदिन आग्रह गरेको जिल्ला प्रहरी कार्यालय नुवाकोट स्रोतले विदुरखबरलाई बताएको छ ।सरकारले लकडाउनको समयमा अत्यावश्यक सवारीसाधनलाई मात्र पास वितरण गरेपछि व्यवसायीहरुले अत्यावश्यक सामाग्री ढुवानीको नाममा लकडाउनको समयमा प्रतिबन्धित सामान समेत नुवाकोट प्रशासनले भोलिदेखि लागुहुने गरि सबै पास रद्द हुने बताएको छ ।

खाद्य सामाग्रीको नाममा मदिरा ओसारपसार गर्नेहरुलाई संक्रमण ऐन अनुसार कारवाही हुने बताइएको छ । बरामद गरिएको सो मदिरा करिव २ लाख रुपैयाँभन्दा बढी रहेको व्यवसायीहरुले बताएका छन ।