आजको मौसम : केही स्थानमा असिना र हावाहुरीसहित वर्षा हुने

नुवाकोट । जल तथा मौसम विज्ञान विभाग मौसम पुर्वानुमान महाशाखाले आज देशका पहाडी भू–भागका केही  स्थान र तराईका एक–दुई स्थानमा  मेघगर्जन,चट्याङ्ग, असिना र हावाहुरीसहित  वर्षाको सम्भावना रहेको जनाएको छ।

यस्तै, देशका पहाडी भू–भागमा सामान्य  बदली रहने र बाँकी भू–भागमा आंशिक बदली रहने जनाइएको छ।महाशाखाले हाल देशमा पश्चिमी न्युन चापीय प्रणालीको आंशिक प्रभाव, स्थानीय वायु, पूर्वी  भू-भागनजिक बनेको न्यूनचापीय क्षेत्र  तथा  बंगालको खाडीबाट समेत जलवाष्पयुक्त वायुको सामान्य प्रभाव परिरहेको जनाएको छ।