ॐ श्री गोसाइँकुण्ड सहकारीद्धारा विदुर नगरपालिकाको राहत कोषमा ६५ हजार ५ सय ६५ रुपैया सहयोग

विदुर खबर २०७७ वैशाख १५ गते २१:५०

विदुर । बिदुर नगरपालिका वडा नम्बर २, बट्टारमा रहेको ॐ श्री गोसाइँकुण्ड बहुउद्देश्यीय सहकारीले आफ्ना सदस्यहरुको लागि राहत र सहयोग प्याकेज घोषणा गरेको छ ।

Advertisement

सोमवार बसेको सञ्चालक समितिको बैठकले विस्वव्यापी रूपमा फैलिएको कोरोना भाइरसको संक्रमणको कारण उत्पन्न परिस्थितिको आकलन गर्दै आफ्ना सदस्यहलाइ पर्न गएको असहजतालाई मध्यनजर गरि राहत उपलब्ध गराउन लागेको सहकारीले जनाएको छ ।

त्यस्तै सहकारीले लकडाउन अवधी भित्र कुनै सदस्यले आफुले लिएको कर्जाको सावाँ तथा ब्याजको किस्ता नियमित गरेमा निजले तिर्न पर्ने ब्याज रकमको २० प्रतिशत र हालसम्मको हर्जाना छुट दिने बताएको छ । यस्तै लकडाउनको अवधीभित्र कुनै सदस्यले आफुले लिएको कर्जाको सावाँ नतिरी तिर्नुपर्ने सबै ब्याज नियमित गरेमा तिर्नुपर्ने ब्याज रकमको १५ प्रतिशत र हालसम्मको सम्पुर्ण हर्जना छुट दिने निर्णय गरेको छ । त्यस्तै बैठकले लकडाउन अवधीपछि जेष्ठ मसान्तभित्र कर्जाको सावाँ र ब्याज नियमित गरेमा ब्याज रकमको १५ प्रतिशत र सम्पुर्ण हर्जना छुट दिने, लकडाउन अवधीपछि जेष्ठ मसान्त भित्र सावाँ नतिरी ब्याज मात्र नियमित गरेमा तिर्नुपर्ने ब्याज रकमको १० प्रतिशत र सम्पुर्ण हर्जाना छुट दिने र २०७७ असाढ मसान्तसम्म कर्जाको सावाँ ब्याज नियमित गरेमा सो मा लाग्ने सबै हर्जना छुट गर्ने निर्णय गरेको सहकारीका अध्यक्ष इन्द्रबहादुर पन्डितले जानकारी दिए ।

Advertisement

त्यस्तै सहकारीले बिदुर नगरपालिकाद्वारा स्थापना गरिएको कोरोना भाईरस संक्रमण, रोकथाम नियन्त्रण तथा उपचार कोषमा समेत संस्थाको तर्फबाट ६५ हजार ५ सय ६५ रुपैया आर्थिक सहयोग गर्ने भएको छ । वितरण गरिएको रकम संचालक समितीको एक पटकको बैठक भत्ता र कर्मचारीहरुको तर्फबाट संकलन गरि सहयोग गर्ने निर्णय गरेको अध्यक्ष पण्डितले बताए ।

प्रतिक्रिया