बुधवारदेखि नुवाकोटमा लकडाउन, पाँचजनाभन्दा बढी हिँडडुल गर्न नपाइने

नुवाकोट । नुवाकोटमा बुधवार विहानदेखि लकडाउन हुने भएको छ ।

जिल्ला प्रशासन कार्यालयमा सोमवार वसेको सुरक्षा समितिको बैठकले जिल्लालाई बुधवार विहानदेखि लकडाउन गर्ने निर्णय गरेको सहायक प्रमुख जिल्ला अधिकारी बद्रीनाथ गैरेले जानकारी दिनुभयो ।

बैठकले चैत्र १२ गते बुधबारदेखि बिहान ६ बजेदेखि सातदिनसम्म पाँचजना भन्दा बढीको समुहमा हिँडडुल नगर्न, कार्यक्रम नगर्न, अत्यावश्यक काम बाहेक घरबाहिर ननिस्कन र सेल्फ क्वारेन्टाइनमा बस्न आम नागरिकलाई अनुरोध समेत गरेको छ ।

त्यस्तै बैठकले जिल्लास्थित सबै नाकाहरुबाट सवारीसाधन प्रवेशमा रोक लगाउने तथा जिल्ला भित्रपनि अत्यावश्यक बाहेकका सवारी साधनहरु पुर्ण रुपमा संचालनमा रोक लगाउने निर्णय गरेको सहायक प्रजिअ गैरेले जानकारी दिनुभयो ।