डलरको भाउ एकैदिन १ रुपैयाँ १७ पैसाले बढ्यो

विदुर खबर २०७६ चैत ७ गते १३:५१

नुवाकोट । अमेरिकी डलरको मूल्य चैत ६ गते शुक्रबार एकै दिन एक रुपैयाँ १७ पैसाले बढेर १२० रुपैयाँ २८ पैसा पुगेको छ।

बिहीबार ११९ रुपैयाँ ११ पैसा रहेको डलरको भाउ एकैदिन उच्च रुपले बढेर हालसम्मकै नयाँ उचाइमा पुगेको हो। यस दिन नेपाल राष्ट्र बैंकले अमेरिकन डलरको खरिद मूल्य भने ११९ रुपैयाँ ६८ पैसा कायम गरेको छ।

कारोना भाइरसका कारण सुरक्षित लगानीको लागी लगानीकर्ताहरुको डलरतर्फ आकर्षित हुँदा डलरको भाउ बढेको हो। पछिल्लो समय शेयर बजार लगायतका अन्य क्षेत्रहरु उच्च रुपले घटेपछि लगानीकर्ताले डलरमा लगानी बढाएका छन्।