असहाय जेहेन्दार तथा जनाजतिको लागि शिक्षा नामक संस्थाको छैठौ अधिबेशन सम्पन्न

विदुर खबर २०७६ फागुन २१ गते २१:०७

विदुर । असहाय ,जेहेन्दार तथा जनाजतिको लागि शिक्षा नामक संस्थाको ११ औ बार्षिकउत्सब तथा छैठौ अधिबेशन सम्पन्न शनिवार सम्पन्न भएको छ ।

Advertisement

वार्षिकउत्सवको अवसर पारेर संस्थाले त्रिशुली अस्पतालका २६ जना बिरामी र देबिघाटमा रहेको जेष्ठ नागरिक प्रतिष्ठानका ३२ वृद्धवृद्धाहरुलाई फलफुल वितरण गरेको छ । त्यस्तै वार्षिकउत्सवको अवसर पारेर तारकेश्वर गाउँपालिका स्तरीय माध्यामिक विद्यालयस्तरीय लोक नृत्य प्रतियोगिता समेत आयोजना गरिएको छ ।

लोक नृत्य प्रतियोगिता पिमल्टार मावि पहिलो, शंखादेबी मावि दोस्रो,श्रीकृष्ण मावि तेस्रो र पंचमिलन आधारभूत बिद्यालयले सान्तवना स्थान हात पार्न सफल भएको छ । ११ विद्यालयको सहभागिता रहेको प्रतियोगितामा पहिलो भएको पिमल्टार माविले ८ हजार रुपैयाँ, दोस्रो भएको शंखादेबी माविले ६ हजार रुपैयाँ, तेस्रो स्थान हात पारेको श्रीकृष्ण माविले ४ हजार रुपैयाँ र सान्त्वना स्थान हासिल गरेको पंचमिलन आधारभूत बिद्यालयले २ हजार रुपैयाँ हात पारेको असहाय ,जेहेन्दार तथा जनाजतिको लागि शिक्षा नामक सस्थाका अध्यक्ष बावुराम शर्मा अधिकारी जानकारी दिनुभयो ।

Advertisement

यसैबिच शनिवारै नै भएको संस्थाको छैठौ अधिबेशनले वावुराम शर्माको अध्यक्षमा ११ सदस्यीय कार्यसमिति निर्विरोध चयन गरेको छ । संस्थाको उपाध्यक्षमा शेषराज शर्मा, सचिवमा नबराज अधिकारी, सहसचिवमा राजाराम अधिकारी कोषाध्यक्षमा राममणि अधिकारी चयन हुनुभएको छ । त्यस्तै सदस्यहरुमा गोरखबहादुर तामाङ, रबिन्द्र घिमिरे,रमेश घिमिरे,देबकी अधिकारी,सुमिता श्रेष्ठ र कन्चन तामाङ चयन भएका छन ।

वार्षिकउत्सव तथा अधिवेशनले संस्थाले आगामी दिनमा गर्ने विभिन्न कार्यक्रमहरु गाउँपालिकाको समन्वयमा गर्ने बताइएको छ । साथै गाउँपालिकामा रहेका वृद्धवृद्धा र अपाङ्गता भएका व्यक्तिहरुलाई सहयोग गर्ने बताइएको छ । संस्थाले ज्योति बिकाश बैंक र प्राइम बैंकसंगको सहकार्यमा अनाथ तथा असहाय बालबालिकाको उज्वल भबिस्यको लागि ज्योति विकास बैंकले ५० हजार रुपैया र प्राइम बैंकले १२ हजार रुपैयाँ प्रदान गरेको बताइएको छ ।

Advertisement

असहाय ,जेहेन्दार तथा जनाजतिको लागि शिक्षा नामक सस्थाले बिगत ३ वर्षदेखि टुहुरा तथा अनाथ बालबालिकालाई सहयोग गर्दै आइरहेको छ ।

प्रतिक्रिया