वडा कार्यालयद्धारा कृषकहरुलाई प्रविधि हस्तान्त्रण

विदुर खबर २०७६ फागुन १६ गते १८:३६

माझिटार । अति विपन्न परिवारलाई रोजगार तथा आयामुलक कार्यक्रममा सरिक गराउँदै स्वाबलम्बनतर्फ अग्रसर बनाउने उदेश्यसहित गरिवसँग विश्वेश्वर कार्यक्रम अन्र्तगत विदुर नगरपालिका वडा नम्बर ५ का विभिन्न कृषकसमुहलाई प्रविधि हस्तान्तरण गरिएको छ ।

Advertisement

शुक्रवार वडा कार्यालयका एक कार्यक्रम गरि वडामा रहेका कृषक समुहहरुलाई कुटानी पिसानीको लागि औजार प्रदान गरिएको हो । वडामा रहेका विपन्न नागरिकहरुलाई उसको शिप र दक्षताको विकास गरि स्वालम्बन बनाउन विदुर नगरपालिका वडा नम्बर ५ मा गरिवसँग विश्वेश्वर कार्यक्रम संचालन गरिएको वडाअध्यक्ष शिव चित्रकारले बताए । वडाअध्यक्ष चित्रकारले वडामा रहेको सिमित स्रोत र साधनको प्रयोग गरि अहिलेको लागि प्रत्येक दुई समुह बराबर एक प्रविधि वितरण गरिएकोले राम्रो र प्रेरणादायक काम गरेमा आगामी दिनमा प्रोत्साहनस्वरुप थप मेसिन औजार प्रदान गर्ने बताए ।
चुलो र चौकोमा सिमित भएका महिलाहरुलाई मेसिनको प्रयोगबाट भएको आम्दानीले जीवन निर्वाहमा टेवा पुराउने वडाअध्यक्ष चित्रकारले विश्वास व्यक्त गरेका छन ।

अति विपन्न परिवारलाई रोजगार तथा आयामुलक कार्यक्रममा सरिक गराउँदै स्वाबलम्बनतर्फ अग्रसर बनाउने उदेश्यसहित यसअघि नुवाकोटको साविक गाविसहरु विदुर नगरपालिकाको वडा नम्बर ५ र ६, हल्देकालिका गाविस र मदानपुरमा कार्यक्रम संचालन भएको थियो ।

Advertisement

त्यस्तै गरिवसँग विश्वेश्वर कार्यक्रमले प्रत्यक्ष जनतासँग सरोकार राख्ने, वास्तविक जनतासँग पुग्ने भएकोले कार्यक्रम संचालन गरिएको गरिवसँग विश्वेश्वर कार्यक्रमका सामाजिक परिचालक श्यामकाजी अर्यालले बताए । उनले विविध कारणले केही समय कार्यक्रम स्थगित भएपनि जनप्रतिनिधि आएपछि पुन शुरु भएको बताए ।

कार्यक्रम अन्र्तगत वडामा रहेका विभिन्न ७ समुहका ७९ जनाले कुटानीपिसानी मिल प्राप्त गरेका छन । मिल संचालनको जिम्मा समुहलाई दिने र कुटानी पिसानी गरेपावत शुल्क उठाउने र त्यसै रकमबाट सो मिलको र्ममतसंहार गर्नुपर्ने बताइएको छ ।

Advertisement

प्रतिक्रिया