डा.महतद्वारा बृहत ढाडाखर्क खानेपानि उद्घाटन

विदुर खबर २०७६ फागुन ४ गते ९:५३

नुवाकोट।नुवाकोटको तारकेश्वर गाउँपालिका वडा १ ढाडाखर्क स्थित स्विस नागरिक बेर्नहाड बुलको आर्थिक सहयोग तथा पर्यटन ब्यवसायि मोहन लम्लास र स्थानीय समाजसेवि तथा जि पि फाउन्डेसन नुवाकोटका उपाध्यक्ष शिव अधिकारीको विशेष पहलमा निर्मित खानोपानि आयोजनाको शनिवार पुर्वअर्थमन्त्रि डा. रामशरण महतले उद्घाटन गर्नुभएको छ ।

Advertisement

करिव ५० लाख रुपैयाँको लगानीमा निर्माण सम्पन्न भएको उक्त खानेपानी आयोजनाबाट करिव ४९ परिवारले लाभ पाउनेछन । कार्यक्रममा बोल्नुहुँदै पुर्व अर्थमन्त्री एंव नेपाली कांग्रेसका केन्द्रीय सदस्य डा रामशरण महतले जननायक बि पि कोईरालाले २०१५ सालमा अगाडि बनाउनुभएको बिकाशका कार्यक्रमहरु गाउँ गाउँमा मोटोरवाटो , बिजुली बत्ति , बिद्यालय , खानेपानि ,स्वास्थ्यचौकि सञ्चार ,बिमानस्थ, मेडिकल कलेज लगायतका बिकाशका आयोजनाहरु २०४६ सालपछि बनेको नेपाली कांग्रेसको सरकारले पूरा गरेको बताउनुभयो । उहाँले २०४६ सालमा जम्मा ७००० कि मि मात्रै खनिएको नेपालको सडकमार्ग कांग्रेसले सरकारले झण्डै १ लाख कि मि बनाएको दाबी गनुभयो । डा.महतले अवको सरकारले यसलाई निरन्तरता दिएर सडकहरुको स्थरउन्नति गरेर जनताको बर्तमान समस्या समाधान गर्नुपर्ने ठाउँमा तेल र रेलका झुट , र हावादारि कुरा गरेर नेपाली जनतालाई झुक्याएर जनमतको अपमान गरेको आरोप लगाउनुभयो ।

कार्यक्रममा नेपाली कांग्रेसका केन्द्रीय सदस्य एंव प्रतिनिधि सभा सदस्य बहादुरसिहं लामा , नेपाली कांग्रेसका युवा नेता एंव महासमिति सदस्य रमेशकुमार महत, ने का नुवाकोटका प्रबक्ता राजु थापा , जि पि फाउन्डेसन नुवाकोटको अध्यक्ष रमेशकुमार पाठक , महाधिवेशन प्रतिनिधिहरु चोकराज शाक्य , कृष्ण मिश्र पुर्व क्षेत्रीय सभापति राजकुमार भट्टराई लगायतका नेताहरु तथा विभिन्न संघ संस्थाका प्रतिनिधिको उपस्थिति रहेको थियो ।

Advertisement

प्रतिक्रिया