चुरे फडानी बन्द गर : पुर्व राष्ट्रपति यादव

नुवाकोट । पुर्व राष्ट्रपति डा. रामवरण यादवले चुरेमा भएको वन जंगल फडानी रोक्नु पर्ने बताउनु भएको छ ।

नुवाकोटको बट्टारमा बिहिबार छैठौं नुवाकोट महोत्सवको उद्घाटन गर्दे पुर्व राष्ट्रपति डा. रामवरण यादवले सो कुरा बताउनुभएको हो । डा. यादवले तराईको वन समाप्त भएको, त्यस क्षेत्रमा रहेका ढुङ्गामाटोको व्यापार भएको भन्दै उहाँले असन्तुष्टि व्यक्त गर्नुभएको छ । पुर्व राष्ट्रपति यादवले अहिले रहेका देशमा तीन तहका सरकार भएपनि त्यस क्षेत्रको दोहन नरोकिएको बताउनुभयो ।

उहाँले चुरे क्षेत्रको संरक्षणको लागि प्रतिनिधिसभा र प्रदेशसभाका सांसदहरुले मनैदेखि लागेर काम गर्नुपर्ने बताउनुभयो । यादवले विभिन्न स्थानमा आवश्यकताको पहिचान गरेर मात्र वन क्षेत्रमा निर्माण कार्य गर्नुपर्ने बताउनुभयो । पुर्व राष्ट्रपति यादवले जल, जमिन र जंगल क्षेत्रको संरक्षण गरे मात्र वातावरणीय सन्तुलन कायम गर्न सकिने बताउनुभयो । उहाँले तराई क्षेत्रमा रहेका वन विनासले तराई मरुभुमी बन्न लागेको बताउनुभयो ।

उहाँले नेपालमा प्रकृतिले सबै किसिमका स्रोत दिएपनि त्यसको समुचित प्रयोग हुन नसकेको बताउनुभयो । यादवले विदेशी आयातित वस्तुहरुलाई दुरुत्साहन गरि स्थानिय सामाग्रीहरुलाई सबैले प्रोत्साहन गर्नुपर्ने बताउनुभयो ।