नुवाकोटको लिखुमा दुध डेरीबाट बिषादी बिक्रि गर्ने पक्राउ

नुवाकोट । दुध डेरी बाट आलुमा छर्कने बिषादी बिक्रि गर्ने लाई लिखु अनुगमन समितीले कारबाहीको दायरामा ल्याएको छ ।

आलुमा छर्कने बिषादी जथाभावी मुल्यमा बिक्रि गर्ने,खाद्यान्न सामाग्री बितरण गर्ने पसलले बिषादी बिक्रि गर्ने गरेको गुनासो स्थानियहरु बाट आएपछि लिखु गाउपालिका अनुगमन समिती र जिल्ला प्रशासन कार्यालय नुवाकोटले संयुक्त नुवाकोटको लिखु गाउपालिकामा अनुगमन गरेको हो । अनुगमनको क्रममा किराना पसल,ब्यक्ति हरुले नै लाखौ बराबरको बिषादी बिक्रि गर्दै आईरहेको भेटिएको हो ।

अनुगमनका क्रममा प्रतिबन्धित नुहान र सेल्फोस समेत भेटिएको छ । पसलमा रहेको बिषादी अनुगमन टोलीले नियन्त्रणमा लिएर छानविन शुरु गरेको छ । रासायनिक विषादी विक्रेताले तालिम प्राप्त गरी विक्रि अनुमति लिनु पर्ने र छुट्टै पसल सञ्चालन गर्नु पर्नेमा यो नगरेकाले विषादी जफत गरिएको लिखु गाउपालिकाका उपाध्यक्ष एव लिखु अनुगमन समितीका संयोजक रोजिना राईले बताए ।

एग्रोभेटहरुले धेरै मात्रामा बिषादी बिक्रि बितरण गर्दा दर्ता भए नभएको बुझेर मात्र बिक्रि बितरण गर्न जिल्ला प्रशासन कार्यालय नुवाकोटका प्रशासकिय अधिकृत दयाराम पौडेलले निर्देशन दिए । किसानहरुले उत्पादन गरेका तरकारीमा ठूलो परिमाणमा रासायनिक विषादी प्रयोग गरेको समाचार आइरहेका बेला मानव स्वास्थ्यमा प्रतिकूल असर पार्ने विषादीहरु विक्रिी नगर्न र रातो लेबलका विषादीहरु विक्री नगर्न निर्देशन दिदै यदि त्यस्तो पाईएमा कारबाहि गरिने बताए ।

अनुगमनका क्रममा केहि रासायनिक विषादी तथा विउविजन विक्रेताले साइनबोर्ड नराखेको, अनुमतीपत्र देखिने स्थानमा नराखेको र म्याद सकिएका विषादीहरु फिर्ता नगरेको पाइएकाले १५ दिनभित्र सबै प्रक्रिया पूरा गर्न पनि निर्देशन दिइएको छ ।