शिवपुरीको महेन्द्र मावि विद्यालयलाई हस्तान्त्ररण

नुवाकोट । भुकम्पले ध्स्त बनाएको शिवपुरी गाउँपालिका वडा नम्बर ४ काउलेमा रहेको महेन्द्र माध्यामिक विद्यालयको भवन पुन निर्माण गरि विद्यालयलाई हस्तान्तरण गरिएको छ । बिहिबार एक कार्यक्रमको आयोजना गरि भवन विद्यालयलाई हस्तान्तरण गरिएको हो ।

कार्यक्रममा प्रदेश नम्बर ३ की उप–सभामुख राधिका तामाङले भुकम्पपछिको पुननिर्माणसँगै विद्यालयले राहातको सास फेर्न सकेको बताइन । उनले भवन अभावको समस्या समाधान भएसँगै अबका दिनमा विद्यालयले शैक्षिक गुणस्तरमा ध्यान दिनुपर्ने बताइन ।

कार्यक्रममा बोल्दै संघिय सांसद हितबहादुर तामाङले भौतिक संरचनाको निर्माणसँगै आगामी दिनमा विद्यालयको शैक्षिक स्तर वृद्धि हुने विश्वास लिए । तामाङले सरकारले शिक्षा र स्वास्थ्यमा धेरे लगानी गरेको भन्दै गरेको लगानी खेर जान नहुने बताए ।

जापानी सहयोग नियोग जाईकाको सहयोगमा भवन निर्माण गरिएको हो ।