नुवाकोटमा वनका कर्मचारीले दिनथाले भटाभट राजिनामा

नुवाकोट । डिभिजन वन कार्यालयमा कर्मचारीले भटाभट राजिनामा दिन थालेका छन् ।

कर्मचारीले जागिर अवधिमा पाउने औषधी उपचार खर्च वापतको तलब सुविधा नपाउने भएपछि राजिनामा दिन थालेका हुन् । मंसिरदेखि ६ जना कर्मचारीले राजिनामा दिइसकेका छन् । उनीहरुको राजिनामा स्वीकृत भइसकेको छ, वन कार्यालयका सूचना अधिकारी लोकनाथ न्यौपानेले भने,‘राजिनामा आउने क्रममा बढेको छ ।’ मंसिर पहिलो सातासम्ममा ६ जना कर्मचारीले राजिनामा बुझाइसकेका छन । राज्य व्यवस्था समितिले सरकारलाई नयाँ निजामति सेवा ऐन ल्याएर औषधी उपचार खर्च कटौती गर्नू भन्ने निर्देशनपछि कर्मचारीहरुले ऐन नआउदै भटाभट राजिनामा दिन थालेका हुन् ।

सरकारले तह अनुसार निम्नस्तरदेखि खरदारसम्म २१ महिना, सुब्बासम्म १८ महिना र अधिकृतस्तरदेखिमाथि १२ महिनाको औषधी उपचार खर्च वापत रकम पाउने व्यवस्था छ । बनमा ४४ दरबन्दी छ । अहिले ३२ जाना कार्यरत छन् ।