आजदेखि नेपाल–भारत ऊर्जासचिवस्तरीय बैठक, यस्ता छन् मुख्य अजेन्डाहरु

विदुर खबर २०७६ असोज २७ गते ११:३१

काठमाण्डौ । नेपाल र भारतका ऊर्जा सचिवस्तरीय संयुक्त निर्देशक समितिको सातौं बैठक आज सोमबारदेखि भारतमा सुरु हुँदैछ ।

बैठकमा अन्तरदेशीय प्रसारणलाइन र इनर्जी बैंकिङलाई मुख्य प्राथमिकतामा राखिनेछ । त्यस्तै बैठकमा भारतसँग विभिन्न ऊर्जासँग सम्बन्धित अजेन्डाहरुमा छलफल र सहमतिको प्रयास गरिने नेपाली अधिकारीहरु बताएका छन् । बैठकको नेतृत्व नेपालका तर्फबाट ऊर्जा, जलस्रोत तथा सिंचाइ मन्त्रालयका सचिव दिनेशकुमार घिमिरे र भारतका तर्फबाट ऊर्जासचिव एससी गर्गले गर्नेछन् ।