एकै मारमा राँगो छिनाउने बाजी थापेका रामप्रसादले छिनाउन नसक्दा पौने तीन लाख तिरे

एकै मा’रमा राँगो छि’नाउन नसक्दा म्याग्दीको रघुगंगा गाउँपालिका–२ नाङनागेका रामप्रसाद खत्रीले २ लाख ८८ हजार रुपैयाँ गु’माएका छन्। दसैँको नवमीका दिन राखु भगवती कोत मन्दिरमा ब’ली च’ढाइने सरकारी राँगो एकै मा’रमा छि’नाउने दा’बी गर्दै खत्रीले २ लाख ८८ हजार बाजी थापेका थिए। तर, लक्ष्य चुकेपछि खत्रीले रकम गु’माउनु परेको खबर कान्तिपुर दैनिकमा म्याग्दीबाट घनश्याम खड्काले लेखेका छन्।

नवमीमा ब’ली दिइने राँगो मा’र हा’न्न का’लरात्रिमै सर्वसाधारणले रकम कबोल्ने गर्छन्। खत्रीबाहेक अन्य ८ प्रतिस्पर्धीले २ लाख ८५ हजार रुपैयाँसम्म कबोलेका थिए। उनले राँगो छिनाएको भए फेटा र पैसाको माला लगाई आफन्तले गाउँ परिक्रम गराउँथे। उनले कबोलकै बराबरको रकम पनि उठ्न सक्थ्यो। कबोलेको रकम मन्दिर व्यवस्थापन समितिलाई बुझाएपछि मात्रै मार हान्न पाइन्छ।