नुवाकोट । प्रमुख प्रतिपक्ष दल नेपाली कांग्रेस दोस्रो चरणको हिमाल, पहाड, तराई–मधेस जागरण अभियानमा जुटेको छ।

यही भदौं २४ देखि शुरू गरी असोज ७ गते समापन गरिने जागरण अभियान प्रदेशसभा निर्वाचन क्षेत्र केन्द्रित हुने कांग्रेसले जनाएको छ। यसअघि कांग्रेसले पहिलो चरणअन्तर्गत जिल्ला केन्द्रित जागरण अभियान सम्पन्न गरेको थियो।पार्टीलाई थप मजबुत र संगठित बनाउनुका साथै सरकारका गलत क्रियाकलापलाई झण्डाफोर गर्दै आम मतदातालाई भरोसा दिलाउने लगायत १५ वटा उद्देश्यका साथ दोस्रो चरणको जागरण अभियान शुरू गर्न लागेको कांग्रेसले पहिलो चरणको अभियानमा आम कार्यकर्ताबाट आएको गुनासा सम्बोधन गरेको जनाएको छ।

यसअघि वैशाख १५ देखि जेठ १५ सम्म आयोजना गरेको जागरण अभियानमा आम कार्यकर्ताले नेतृत्वको चर्को आलोचना गरेका थिए।