किन हुन्छ गर्भपतन ? यस्तो छ कारण

गर्भावस्थाको प्रारम्भिक चरणमा गर्भपतनको खतरा बढी हुन्छ । गर्भवतीले यी दिनमा आफ्नो स्वास्थ्यको विशेष ख्याल गर्नुपर्छ । सावधानी अपनाउनुपर्छ ।

पहिलो दुई महिना कति महिलालाई आफू गर्भवती भएकोसमेत थाहा हुँदैन । सोही कारण सावधानी अपनाउँदैनन् र गर्भपात हुने गर्दछ । आखिर के कारणले हुन्छ गर्भपात ?

 

स्वास्थ्य सम्बन्धि समस्या

गर्भावस्थामा महिला स्वस्थ्य हुन निकै आवश्यक छ । गर्भवतीको स्वास्थ्य अवस्थामै गर्भमा रहेको भु्रणको स्वास्थ्य निर्भर छ ।

विशेषगरी, उच्च रक्तचाप, मधुमेह, मृगौला र पाठेघर सम्बन्धि समस्या भएमा पनि गर्भावस्थामा समस्या पैदा हुनसक्छ । जसका कारण गर्भपतनको सम्भावना अत्याधिक हुन्छ ।

धुमपान

गर्भावस्थामा धुमपान गर्नुर् गर्भमा रहेको शिशुको लागि हानीकारक हुनसक्छ । धुमपानका कारण शिशुले पर्याप्त मात्रामा अक्सिजन पाउँदैन ।

धुमपान गर्ने महिलाबाट जन्मने शिशुको स्वास्थ्यमा विभिन्न समस्या आउने गर्छ, जसमध्ये कम तौल प्रमुख हो । त्यस्तै, गर्भावस्थामा मदिरापानसमेत गर्नु हुँदैन । गर्भवतीले मदिरा पिउँदा भु्रणको विकासमा अवरोध उत्पन्न हुन्छ, जसका कारण गर्भपतन पनि हुनसक्छ ।

क्याफीन

गर्भावस्थामा क्याफीनको मात्रा अत्याधिक भएका कफीलगायतका खानेकुरा खानु पनि हानिकारक छ ।

क्याफीनले गर्भमै शिशुको मृत्यु हुनसक्ने खतरा निम्त्याउँछ । गर्भमा रहेको शिशुको सालनाल निस्कने खतरा अत्याधिक हुन्छ, जसका कराण गर्भपतन हुनसक्छ ।

तनाव

गर्भवतीको मनस्थितिमा बारम्बार परिवर्तन आउने गर्छ । मनस्थितिमा आइरहने परिवर्तनले गर्भमा रहेको शिशुको विकास निर्धारण गर्छ ।

यदी गर्भवतीको मनस्थिति सकारात्मक छ भने शिशुको विकास पनि राम्ररी हुने गर्छ । गर्भवती तनावमा छिन् भने त्यसको प्रत्यक्ष असर शिशुमा पर्छ । तनावकै कारण गर्भपतनसमेत हुनसक्छ ।

विषाक्तता

गर्भावस्थामा महिलालाई विभिन्न खानेकुरा खान मनलाग्छ । उनीहरु सामान्य दिनमा झै गर्भावस्थामा पनि ती खानेकुरा खान्छन् । तर, गर्भावस्थामा महिलाले विशेष सावधानी अपनाउनुपर्छ ।

विशेषगरी, काँचो सागपात तथा फलफुलमा विषादी प्रयोग गरिएको हुन्छ । उक्त विषादीलई राम्ररी सफा नगरे त्यसले महिलाको स्वास्थ्यमा प्रतिकुल असर पार्छ नै, गर्भमा रहेको शिशुमासमेत नकारात्मक असर पार्छ । जसमध्ये गर्भपतन पनि एक हो ।

शारीरीक श्रम

कयौ महिला गर्भावस्थामा पनि विभिन्न शारीरीक श्रम गरिरहेका हुन्छन् । धेरै तलमाथि गर्छन् । गर्‍हौ काम गर्छन् । भारी बोक्छन् । यसल पनि गर्भपतनको खतरा बढी हुन्छ ।

हर्मोन सम्बन्धि समस्या

कहिलेकाही गर्भवतीको शरीरले पर्याप्त मात्रामा ‘प्रोजेस्टेरोन’ नामक हर्मोनको उत्पादन गर्न सक्दैन । तर, महिलाको शरीरमा गर्भावस्थामै प्रोजेस्टेरोन हर्मोनको उत्पादन ह्नुपर्छ ।

गर्भमा रहेको भ्रुुणलाई अनुकल बातावरण सिर्जना गर्नुका साथै गर्भाशयको लाइनिङ्ग तथा प्लासेन्टालाई बलियो बनाउन प्रोजेस्टेरोन हर्मोन आवश्यक छ ।

बढ्दो उमेर

बढ्दो उमेरका कारण पनि महिलामा गर्भपतनको खतरा बढ्ने गर्छ । विशेषगरी, ३० वर्ष भन्दा माथिको उमेरमा गर्भधारण गर्दा महिलाको स्वास्थ्यमा विभिन्न समस्या देखिने गर्छ ।

जसका कारण गर्भपतन हुने बढी सम्भावना हुने भएकाले चिकित्सकहरु महिलालाई तीस वर्ष भित्रै गर्भाधारण गर्न सल्लाह दिन्छन् ।