विदावाहेक अन्य दिन जिल्ला नछोड्न प्रजिअको सरकारी कार्यालयका प्रमुखलाई निर्देशन
विदुर खबर
२०७६ साउन ५ गते १९:१४
काभ्रेपलाञ्चोक, साउन ५, जिल्लामा रहेका सरकारी कार्यालयका प्रमुखहरुलाई विदा वाहेक अन्य दिनमा जिल्ला नछाड्न प्रमुख जिल्ला अधिकारीले आग्रह गरेका छन ।
सदरमुकाम धुलिखेलमा आज भएको कार्यालय प्रमुखको बैठकमा प्रमुख जिल्ला अधिकारी उदयबहादुर रानाले सुरक्षा चुनौतीका कारण कार्यालय नछाड्न निर्देशन दिनुभएको हो । “जिल्ला छाड्दा जिल्ला प्रशासन कार्यालयको अनुमति लिनुपर्छ”, उहाँले भन्नुभयो । नजिकको जिल्ला भएकाले सुरक्षा निकायबाहेक अधिकांश कार्यालय प्रमुख काठमाडाँैबाट आवतजावत गर्दै आएका छन् । कार्यालय प्रमुख जिल्लामै रहँदा इन्धनको समेत बचत हुन्छ । “सुरक्षा गार्डको भरमा कार्यालय छाड्न हुँदैन, बेलुकी सात बजेपछि सरकारी गाडी चलाउन पाइँदैन”, रानाले निर्देशन दिनुभयो । कार्यालयको सुरक्षा गर्न नसके जिल्ला प्रशासन कार्यालयलाई तत्काल जानकारी गराउन उहाँले बताउनुभयो ।
सम्बन्धित
- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना
प्रतिक्रिया