माथिल्लो तामाकोशीको आइपीओ मंगलबार दिउँसो ३ बजे बाँडफाँट हुने निश्चित भएको छ ।

बिक्री प्रबन्धक नागरिक लगानी कोषका सेयर शाखा प्रमुख रोशनजंग कार्कीले तामाकोशीको आइपीओ क्रिष्टल ब्यांकेट बबरमहल, काठमाडौंमा मंगलबार दिउँसो ३ बजे बाँडफाँट गरिने। धेरै लगानीकर्ताको चासोको विषय रहेको तामाकोशीको आइपीओमा थुप्रैले दोहोर्याएर आवेदन दिएको भेटिएपछि बाँडफाँटमा केही ढिलाई भएको हो । यसमा करिब ६ हजार जनाले दोर्याएर आवेदन दिएको बिक्री प्रबन्धकको भनाई छ ।

तामाकोशीको सेयर न्यूनतम पनि ४० कित्ता सबैले पाउने प्रारम्भिक अनुमान छ । कर्मचारी र स्थानीयबासीका लागि तामाकोशीले यसअघि नै सेयर निष्कासन गरी बाँडफाँट समेत गरिसकेको छ । यसरी सेयर पाइसकेका मध्ये केहीले पुनः दोहोर्याएर भरेपछि छानबिन गर्दा बाँडफाँटमा विलम्ब भएको हो । माथिल्लो तामाकोशीले गत कात्तिक १५ गतेदेखि प्रतिकित्ता १०० रुपैयाँ दरमा १ करोड ५८ लाख ८५ हजार कित्ता आइपीओ खुला गरेको थियो । सर्वसाधारणका लागि १ करोड ५० लाख ९० हजार ७५० कित्ता आइपीओ बिक्री खुला गरिएको हो ।

यसमा ६ अर्ब ७० करोड ५८ लाख २८ रुपैयाँ बराबरको आवेदन परेको छ । ३ लाख ४६ हजार १६६ जना आवेदकले ६ करोड ७० लाख ५८ हजार २८० कित्ताका लागि सेयर भरेका छन् ।