कांग्रेसको सम्भावित बिभाजन रोक्न तेस्रो धारको प्रयास

नुवाकोट । नेपाली कांग्रेसको सम्भावित बिभाजन रोक्नका लागि तेस्रो धारको युवा नेतृत्व सक्रिय भएको छ ।

शेरबहादुर देउवा पक्षधरले साउन २९–३१ मा राष्ट्रिय भेला बोलाउने जानकारी दिएको भोलीपल्ट नैनसिंह महर र रञ्जित कर्णलगायतको तेस्रो धारका युवा नेतृत्व सक्रिय भएको हो। जसका लागि ‘देश र कांग्रेस जोड्ने अभियान’ को घोषणा गर्दै साउन २० गते राष्ट्रिय भेलाको आयोजना गर्ने भएका छन् ।

पार्टी भित्रको भित्रको आन्तरिक मतभेद अन्त्य गरी पार्टीलाई बलियो बनाउने उद्देश्यका साथ ‘देश र कांग्रेस जोड्ने अभियान’ घोषणा गरिएको नेता महरले जानकारी दिएका छन । उनका अनुसार आगमी साउन २० गते काठमाडौंमा ‘राष्ट्रिय एकता भेला’ आयोजना गरिनेछ ।

पार्टीभित्र बढ्दो अविश्वास र आन्तरिक किचलोका कारण संगठन कमजोर भएको देखिएकाले अभियानले पार्टीलाई वैचारिक र सांगठनिक रूपमा पुनर्जीवित गर्ने लक्ष्य राखेको नैनसिंह महरले बताए ।