नुवाकोटका पाठक पक्राउ

नुवाकोट । वैदेशिक रोजगारीका लागि इटाली पठाइदिन्छु भन्दै ठगी गरेको आरोपमा नुवाकोटका एक जना पक्राउ परेका छन् ।

काठमाडौंको बुढानीलकण्ठ–८ भंगालस्थित एक घरमा ५ जना बंगालादेशी नागरिकलाई बन्धक बनाइ राखेको अवस्थामा उनीसहित अन्य ६ पक्राउ परेका हुन् ।

जिल्ला प्रहरी परिसर काठमाडौंका एसपी एवं प्रवक्ता पवन कुमार भट्टराईका अनुसार, ५ जना बंगलादेशी नागरिकहरूलाई बन्धक बनाइ राखिएको अवस्थामा भेटिएको हो ।

बंगलादेशका नागरिकहरूलाई बन्धक बनाइ राख्ने कार्यमा संलग्न ७ जनालाई पक्राउ गरिएको एसपी भट्टराईले जानकारी दिए ।

पक्राउ पर्नेहरूमा पाँच जना बंगलादेशी, १ जना भारतीय र १ जना नेपाली नागरिक रहेका छन् ।

उनीहरूविरुद्ध जिल्ला अदालत काठमाडौंबाट शरीर बन्धक तथा ठगी सम्बन्धी कसुरमा ५ दिनको म्याद लिएर अनुसन्धान भइरहेको एसपी भट्टराईले जानकारी दिए ।

पक्राउ पर्नेहरूमा बंगलादेश घर भएका ३८ वर्षीय आल मामुन, ३९ वर्षीय बिलाल, २९ वर्षीय रिवन विश्वास, ४३ वर्षीय बाबु हु, ४० वर्षीय यमडी मसिभुर रहमान रहेका छन् ।

त्यस्तै, भारत घर भएका ४१ वर्षीय सरोज कुमार र नुवाकोट घर भएका ३२ वर्षीय सशि पाठक रहेका छन् ।