चौथो एनयुएफसी कप फुटबल प्रतियोगिता हुने

नुवाकोट । चौथो एनयुएफसी फुटबल प्रतियोगिता आगामी पुष १ गतेदेखि हुने भएको छ ।

नुवाकोट युनाइटेड फुटवल क्लबको आयोजनामा हुने अन्तर विद्यालय जिल्लास्तरीय प्रतियोगितामा छात्र र छात्रा दुई विधामा प्रतियोगिता संचालन गर्न लागेको क्लबका अध्यक्ष रामकुमार कोइरालाले जानकारी दिए ।

प्रतियोगितामा सहभागिताको लागि विद्यालयले विद्यार्थीको इमिस कोडसहित यहि मङ्सिर २७ गते बिहिबारसम्म समुह दर्ता गराउनुपर्ने छ ।

प्रतियोगितामा सहभागिताको लागि छात्रतर्फ ६ हजार र छात्रातर्फ को ४ हजार रुपैँया दर्ता शुल्क तोकिएको छ ।
प्रतियोगिताको विजेता र उपविजेताले नगद पुरस्कारसहित शिल्ड, मेडल र प्रमाणपत्र प्राप्त बताइएको छ । छात्रतर्फको विजेताले ३० हजार र छात्रातर्फ १५ हजार रुपैयाँ प्राप्त गर्ने आयोजकले जनाएको छ ।

यस्तै, उपविजेता छात्रतर्फ १५ हजार र छात्रातर्फ ७ हजार ५०० रुपैँया रहेको छ ।
प्रतियोगितामा उत्कृष्ट खेलाडी, गोलरक्षक, स्कोरर र उत्कृष्ट प्रशिक्षकले नगद पुरस्कारसहित शिल्ड, मेडल र प्रमाणपत्र प्राप्त गर्ने आयोजकले बताएको छ ।

यसअघि गतवर्ष सम्पन्न भएको तेस्रो संस्करणको उपाधि छात्रतर्फ जेडि बोर्डिङ र छात्रातर्फको उपाधि भैरवी माविले हात पारेको थियो ।