क्रसर व्यवसायी महासंघको सह–कोषाध्यक्षमा नुवाकोटका श्रेष्ठ निर्वाचित

नुवाकोट । नेपाल क्रसर तथा खानी उद्योग व्यवसायी महासंघको सह–कोषाध्यक्षमा नुवाकोटका विनोद राज श्रेष्ठ निर्विरोध निर्वाचित भएका छन् ।

शनिवार महोत्तरीको बर्दिवासमा आयोजित दशौं र एघारौ वार्षिक साधारणसभा तथा तेस्रो अधिवेशनबाट नु्वाकोटको वर्डस्टोन क्रसरका संचालक तथा पुर्व अध्यक्ष श्रेष्ठ सह–कोषाध्यक्षमा निर्वाचित भएका हुन् ।

यस्तै महासंघको अध्यक्षमा पुनः सीताराम न्यौपाने निर्विरोध चुनिएका छन् । न्यौपानेको अध्यक्षतामा २१ सदस्यीय नयाँ कार्यसमिति सर्वसम्मत चुनिएको उपाध्यक्ष मिनबहादुर शाहीले जानकारी दिए ।

पदाधिकारीसहित कार्यसमिति सदस्यहरुको कार्यकाल तीन वर्षको हुन्छ ।

महासंघको अध्यक्षमा पुनः चुनिएसँगै न्यौपानेले क्रसर व्यवसायका अधिकांश समस्याहरू अघिल्ला तीन वर्षहरूमा सरोकारवाला निकायलाई अवगत गराएको र अगामी तीन वर्ष त्यस्ता समस्याहरू समाधान गर्न थप मिहिनेत गर्ने बताए ।

साधारण सभा तथा महाधिवेशनमा देशभरबाट करिब ७८० जना प्रतिनिधिहरुको सहभागिता थियो ।