नुवाकोटमा बाख्राको खोरमा आगलागी हुँदा ९ बाख्रा जलेर नष्ट

नुवाकोट । नुवाकोटको विदुर नगरपालिका वडा नम्बर २ को टुडीखेलमा सोमवार विहान बाख्राको खोरमा आगलागी हुँदा ९ बाख्रा जलेर नष्ट भएका छन् ।

स्थानिय अच्युतम राजभण्डारीको बाख्राको खोरमा आगलागी हुँदा खोरसहित ४ खसी, ३ बाख्रा र अन्य पाठापाठी जलेर नष्ट भएको प्रहरीले जनाएको छ ।

स्थानियले विहान १२ बजेर खोरमा आगलागी भएको बताएका छन् । आगलागीबाट झण्डै ४ लाख रुपैयाँ वरावरको क्षति भएको बताइएको छ ।

आगलागीको कारण भने खुल्न सकेको छैन । घटनाको विषयमा अनुसन्धान भइरहेको प्रहरीले जनाएको छ ।