निर्माण व्यवसायी श्याम लामाद्धारा विद्यालयलाई ५० हजार रुपैया सहयोग

नुवाकोट । विदुर नगरपालिका वडा नम्बर ६ का समाजसेवी तथा निर्माण व्यवसायी संघका कोषाध्यक्ष श्याम लामाले विदुर नगरपालिका वडा नम्बर १२ धारापानीमा रहेको शहिद भरत ढुङ्गाना स्मृति आधारभुत विद्यालयलाई ५० हजार रुपैयाँ आर्थिक सहयोग गरेका छन् ।

लामाले विद्यालयमा वसन्त पन्चमी (सरस्वती पुजा) को अबसरमा आयोजित सरस्वती पुजा तथा साना नानिबाबुहरुको अक्षरारम्भ कार्यक्रममा नगद ५० हजार रुपैयाँसहित स्टेसनरी सामाग्री उपलब्ध गराएका हुन् ।

कार्यक्रममा बोल्दै समाजसेवी लामाले विद्यालयमा सरस्वती पुजाकै दिन उपस्थित भएर सहायोग गर्न पाउँदा खुशी लागेको बताए । उनले आगामी दिनमा पनि विद्यालयको आवश्यकता अनुसार सहयोग गर्ने प्रतिवद्धता व्यक्त गरे ।